🏠 Portal 🔍 Proofreading Workbench 📘 Bilingual Edition 📄 Markdown
گُلْدَسْتَۂ صِدِّیْقِی (کلامِ حسرتؔ)
Guldasta-e-Ṣiddīqī: The Siddiqi Floral Anthology (Spiritual Odes, Hymns, Na'at & Mystical Ghazals)
حضرت بحر العلوم مولانا محمد عبد القدیر صدیقی قادریؔ حسرت رحمۃ اللہ علیہ
Hazrat Baḥr al-‘Ulūm Maulana Muhammad Abdul Qadeer Siddiqi Qadri 'Hasrat' (Rh.A)
Hasrat Academy, Siddiq Gulshan, Hyderabad Deccan · Jubilee Edition of Classical Devotional Poetry with Scholarly English Translation
حدیث نبوی ﷺ [صحیح البخاری ۶۱۴۵؛ سنن ابی داؤد ۵۰۱۰]
إِنَّ مِنَ الشِّعْرِ لَحِكْمَةً وَإِنَّ مِنَ الْبَيَانِ لَسِحْرًا
گُلْدَسْتَۂ صِدِّیْقِی
(تقریب سالگرہ ہشتاد و پنج سالہ)

کلامِ فیض ترجمان: بحر العلوم حضرت مولانا مولوی محمد عبد القدیر صاحب صدیقی قادریؔ حسرت حیدرآبادی رحمۃ اللہ علیہ
سابق صدر شعبہ دینیات، جامعہ عثمانیہ، حیدر آباد دکن
تاریخ: ۲۷ رجب المرجب ۱۳۷۴ھ
پیش کردہ: میجر میر امام الدین قادری
بہ اہتمام: محمد معظم الدین قدیری القادری
مطبوعہ: محمودیہ مشین پریس، پتھر گٹی، حیدر آباد دکن
در اپریل ۱۹۵۵ء / ۱۹۵۳ء

بِسْمِ اللَّهِ الرَّحْمٰنِ الرَّحِيمِ
اطلاع و عرضِ ناشر: حسرت اکیڈیمی

ناظرین!
اس امر کی کوشش کی گئی ہے کہ بحر العلوم حضرت مولوی محمد عبد القدیر صاحب صدیقی حسرت کی غیر مطبوعہ تصانیف و کلام کو شائع کیا جائے۔ چنانچہ چند کتب طبع کئے جاچکے ہیں۔ انشاء اللہ تعالیٰ آئندہ بھی اس کا سلسلہ جاری رہے گا تاکہ عامۃ الناس کو مولانائے موصوف کے خیالات اور ارشادات سے واقف اور مستفید ہونے کا موقع ملتا رہے۔ وما التوفیق الا باللہ۔

فہرست کتبِ مطبوعہ:
نمبر ۱: قولِ فیصل (مطبوعہ ۲۷ فروری ۱۹۵۳ء، قیمت: ۱۲)
نمبر ۲: دینِ فطرت (قیمت: ۱۵)
نمبر ۳: مشاجراتِ صحابہ و اختلافاتِ ائمہ
نمبر ۴: نظامِ تمدنِ اسلام و سرمایہ داری و اشتراکیت (قیمت: ۲۲۰)
نمبر ۵: مسئلہ عدمِ نسخِ قرآن
نمبر ۶: حقیقتِ بیعت
نمبر ۷: سماعِ اخیار (جمادی الآخرة ۱۳۷۴ھ)
نمبر ۸: وصیت و وراثت
نمبر ۹: کلمۂ طیبہ
ملنے کا پتہ: مدینہ منزل، ملک پیٹھ، حیدر آباد دکن

بِسْمِ اللَّهِ الرَّحْمٰنِ الرَّحِيمِ
حمدِ باری تعالیٰ: شانِ بے نشاں کا ظہور
رونقِ شانِ بے نشاں نام و نشاں میں بھی آ کوہ و بیاباں میں رہا، اب تو مکاں میں بھی آ
جہل میں نور بن کے آ، اشک میں کوُن بن کے آ بن کے یقین کی چمک وہم و گماں میں بھی آ
آنکھوں میں نور بن کے آ، دل میں سرور بن کے آ بن کے حیاتِ جاوداں تو میری جاں میں بھی آ
دل تو ہے میرا بُرا گھر، پھر تو ہے میری جا کرم رہتا ہے کیوں ادھر ادھر، اپنے مکاں میں بھی آ
مالکِ غنائے ذات میں جلوہ گری بہت رہی پردۂ غیب سے نکل بزمِ عیاں میں بھی آ
خون سے ہو کے پاش پاش حسرتِ بے نوا کا دل بہرِ سکونِ جان و دل امن و امان میں بھی آ
مناجات: اللہ میاں ہم پہ کرم ہو تیرا
اللہ میاں ہم پہ کرم ہو تیرا میں بندہ ہوں کچھ نہیں میرا، جو کچھ ہے وہ تیرا
تو میرا ہے میں ہوں تیرا، کیا ہے یہ میرا تیرا ایک کی دُھن کر، ایک کا ہو جا، کب تک یہ پھیرا پھیرا
اب کی دفعہ تو جھولی بھر دے، خالی نہ جائے پھیرا تجھ سے باہر کوئی نہیں ہے، تو نے سب کو گھیرا
میں دکھیا ہوں اب لگ جانے مجھ پہ کرم کا ڈیرا تو جو چاہے من کی شانتی چھوڑ جگت کا بکھیرا
عارفانہ ترانہ: مجھ کو بھروسہ تیرا
چھائیں گھٹائیں ظلم و ستم کی، سارا جگت ہے اندھیرا کوئی نہیں ہے سنگ نہ ساتھی، مجھ کو بھروسہ تیرا
غوثِ اعظم اپنے گرو کا، اڑے جہاں پہ پھریرا حسرتؔ کو تم سمجھے کیا ہو، خواجہ جی کا چیلا!
صوفیانہ گیت: کھیل تیرا تُو جانے کھلاڑی میں کیا جانوں
کھیل تیرا تُو جانے کھلاڑی، میں کیا جانوں ایک شہر کے دونوں شہر ہیں، کون اچھا کون بُرا، میں کیا جانوں
دوڑ کے دونوں مل گئے باہم، کون جیتا کون ہارا، میں کیا جانوں دونوں جانب ایک لگن ہے، کس نے کس کو چاہا، میں کیا جانوں
ایک خیالی برقع پہن کر کون ڈیرے سے نکلا، میں کیا جانوں کون تڑپ کر لوٹ رہا ہے، کس نے نگہ سے مارا، میں کیا جانوں
کس نے کھیلا یہ جگ دھندا، کس نے کھیل بگاڑا، میں کیا جانوں کچھ نہ رہا جز عشق کے باقی، کون کھویا کون پایا، میں کیا جانوں
حسرتؔ دل تو دے دیا تم نے، آگے پھر کیا ہوگا میں کیا جانوں! آگے پھر کیا ہوگا میں کیا جانوں!
نعتِ جلیلہ: آمدِ محبوبِ ربِ عالمین ﷺ
جہاں میں غلغلہ ہوا محبوبِ عالمین آیا شہنشاہِ دو عالم صاحبِ تاج و نگیں آیا
ہوئی گم شوکت و ظلمتِ جہاں کوئی باطل از انا پرچمِ توحیدِ ختم المرسلین آیا!
نعتِ رسولِ مقبول ﷺ (حصۂ دوم): آمدِ حبیبِ ربِ کائنات ﷺ
ہوا کافور ظلمت بت پرستی و ضلالت کی ضیا پاشِ دنیا گستر حبیبِ مہ جبیں آیا
دعا مانگی تھی خلیل اللہ نے جس کے لیے پہلے خبر دی جس کی عیسیٰ نے وہ شاہنشاہِ دیں آیا
گناہگارو خطا کارو پریشانی ہوئی زائل تمہارے بخشوانے کو شفیعِ مذنبین آیا
خدا معلوم کوزہ میں سمٹ بھی جاتا ہے محمد مصطفیٰ کو دیکھ کر سب کو یقین آیا
نہ جس کا مثل پایا حضرتِ آدم سے عیسیٰ تک وہ فخرِ اولین آیا و عزِ آخرین آیا
صدا اِطْرِقُوْا معراج میں جبرئیل دیتے تھے ملائک کہہ رہے تھے صاحبِ دینِ متین آیا
بچھائے راہ میں اپنی آنکھیں دو عالم، صفوں میں کھڑے ہیں با ادب سب انبیاء و شاہِ دیں آیا
خلیل اللہ نے دیکھا جو حضرت کو تو فرمایا: مرا لختِ جگر، عزت نشانِ مَندھیں آیا
وہ مخدومِ اولین و آخرین کو دیکھ کر حسرتؔ یہ چلائے: مرا ماویٰ، مرا ملجا، مرے دل کا مکیں آیا!
پوربی نعت و ترانہ: ہم کو مبارک آقا پیارا
ہم کو مبارک آقا پیارا، نورِ مجسم حق کا پیارا وہ من موہنی کا جلوہ دکھائے، سرورِ عالم، عالم آرا
وہ راجہ ہے ہم پرجا ہیں، ہم اس کے ہیں وہ ہے ہمارا اس کا دامن ہرگز نہ چھوٹے، ٹوٹی آس کا وہ ہے سہارا
ساری بلائیں ٹل جائیں گی، اس کی دَیا کا گر ہو اشارہ ڈھلتی چال اور مد بھری نیناں، من کی ٹھنڈک آنکھوں کا تارا
حسرتؔ نبی جی کے بلہاری چاند سا مکھ اور جگ اجیارا!
ترانۂ معراج: ہریالا بیڑا بڑی دھوم گج سے آیا
ہریالا بیڑا بڑی دھوم گج سے آیا بڑی دھوم سے آیا ہاں ہریالا بیڑا، بڑی دور دور سے آیا، ہاں معراجی دولہا پیارا!
وہ دیکھو شور ہے کیسا، کیوں بجتا ہے یاں نقارا دیکھو دیکھو کون ہے آیا، سر علی ولی نے نعرہ مارا / ہریالا بیڑا بڑی دھوم گج سے آیا!
حق کا پیارا راج دلارا، امت والا سب کا سہارا میرا والی میرا آقا، کیا کہنا ہے ظلِ خدا کا! / ہریالا بیڑا بڑی دھوم گج سے آیا!
شانِ عظمت مرکزِ عزت، مظہرِ قدرت صاحبِ رحمت نور کی صورت پیاری سیرت، سب سے افضل سب سے اعلیٰ / ہریالا بیڑا بڑی دھوم گج سے آیا!
انی انا کا جلوہ دکھایا، بندہ بن کر رب کو بجھایا سب کچھ کھو کر سب کچھ پایا، امت والا سب کو بھایا / ہریالا بیڑا بڑی دھوم گج سے آیا!
استغاثہ و نعت: لاج رکھیو نہ رکھیو میں ہوں تیرا غلام
لاج رکھیو نہ رکھیو میں ہوں تیرا غلام کوئی مانے نہ مانے میں ہوں تیرا غلام
شاہِ عالی نظام، واجب الاحترام، انبیاء کے امام، تجھ پہ لاکھوں سلام! اے شہِ انس و جاں، تجھ پہ قربان جان اور سارا جہاں، لطف تیرا ہے عام!
مناجات و درود: رات دن صبح و شام تیرا جپتا ہوں نام
رات دن صبح و شام تیرا جپتا ہوں نام، کچھ نہیں اور کام اے رسولِ انام! میں ہوں بندہ تیرا، تو ہے مولیٰ مرا، اے شہِ دوسرا مرجعِ خاص و عام!
یوں تو ہر اک کی ملک میں ہوں، اور میں کیا کہوں، میں ہوں تیرا غلام اے شہنشاہِ دین، لامکاں کے مکین، میرا کوئی نہیں یا کریم الکرام!
جو ہے بندہ ترا وہ کہاں جائے گا تیرے در کے سوا، ہو کے تیرا غلام مظہرِ ذو الجلال، عزتِ لازوال، مجھ کو کر دے نہال، دید ہو صبح و شام!
صاحبِ جبرئیل، قاسمِ سلسبیل، عاصیوں میں محمد کو بھی ایک جام یا حبیب اللہ تو ہے شاہوں کا شاہ، چاہتا ہوں پناہ یا رفیع المقام!
دل میں تیرا ہے درد، لب پہ ہے آہِ سرد تیرے قدموں کی گرد ہے یہ حسرتؔ غلام!
نعتِ پاک: تجھے مسندِ خلافت تو امامِ انبیاء ہے
تجھے مسندِ خلافت، تو امامِ انبیاء ہے تجھے عزتِ معیت، تو حبیبِ کبریا ہے
تیرے عشق میں جیوں گا، تیرے نام پہ مروں گا یہی آرزو ہے میری، یہی میرا مدعا ہے
تیرے دل میں جوشِ رحمت، تیری آنکھ میں محبت تیرے ہاتھ میں سعادت، ترا حسن حق نما ہے
نو بہارِ باغِ ہستی، تو کمالِ بزمِ گیتی تجھے دیکھ لے جو کوئی دل و جان سے فدا ہے!
عرفانی نعت (مقطع): تو فزوں ز عقل و دانش
تو فزوں ز عقل و دانش، تو ورائے فہم و بینش تجھے کون جانتا ہے کہ تو کیا نہیں ہے، کیا ہے!
تجھے عرش پر معیت، تجھے فرش پر بھی قربت اے حبیبِ ربِ عزت تو خدا سے کب جدا ہے!
ترا افگارِ حسرت، شب و روز محوِ حیرت ہے اسیرِ دامِ الفت، تیرے نام پر فدا ہے!
پوربی گیت: او مدینے والے بَلما تُو آجا رے
او مدینے والے بَلما تُو آجا رے آجا رے پھر نہ جا رے!
خدیجہ بی بی کے راج دلارے، عائشہ بی بی کے بَلم پیارے آجا رے پھر نہ جا رے!
حسن حسین کے پالن ہارے، فاطمہ بی بی کے بابل پیارے آجا رے پھر نہ جا رے!
علی جی کے بھیّا، کالی کملی والے کنھیا آجا رے پھر نہ جا رے!
نَینوں میں آ جا، من میں سما جا، دَرس دکھا جا، سَن کو نبھا جا آجا رے پھر نہ جا رے!
جلد بلا لو اپنے دوارے، کب تک حسرتؔ چیلی پکارے آجا رے پھر نہ جا رے!
پوربی مناجات: تم ہو جگت اجیارے
تم ہو جگت اجیارے میں واری تم پہ جاؤں نبی جی!
تم جو چاہو کر سکتے ہو، ہم ہیں داس تمہارے من کی ٹھنڈک، پران کا سکھ ہو، تم نینوں کے تارے
نیا بھنور میں ڈول رہی ہے، دیا لگا دو کنارے کس کا روپ دھرے ہو تم نے، دیکھ کے سب متوارے
تم راجہ مہاراجہ جگت کے، سب پرجا ہیں تمہارے تم ہی بتا دو کون ہے تم سا، ڈھونڈ کے ہم سب ہارے
حسرتؔ داسی ہے بلہاری تم ہو اس کے پیارے!
ترانۂ توحید و رسالت: محمد کے ہم ہیں ہمارے محمد ﷺ
ہمیں جان و دل سے ہیں پیارے محمد محمد کیا کریں گے یوں ہی زندگانی، گزارا کریں گے یوں ہی زندگانی / محمد کے ہم ہیں ہمارے محمد!
خدا کی شانِ با شان ہے، کیا شان ختم المرسلین کی یہ صورت پردۂ وحدت سے کیسی یاسمیں نکلی / محمد کے ہم ہیں ہمارے محمد!
تجلی گاہِ حق ہے چہرۂ انور محمد کا تعالیٰ اللہ کیا مطلع ہے صبحِ نورِ عید کا / محمد کے ہم ہیں ہمارے محمد!
ترانۂ عشقِ رسالت (حصۂ دوم): محمد سرِّ وحدت ہے
محمد سرِّ وحدت ہے کوئی ان کا کیا جانے شریعت میں بندہ ہے، حقیقت میں خدا جانے! / محمد کے ہم ہیں، ہمارے محمد!
خدا نے زینت کی جو بزمِ آفرینش کی لگایا قدِ آدم آئینہ اس میں تیرے قد کا / محمد کے ہم ہیں، ہمارے محمد!
اے پرتوِ حسنِ تو ہنگامہ کند برپا در پردہ نمی گنجد ایں جلوۂ رعنائی / محمد کے ہم ہیں، ہمارے محمد!
اس شوقِ تماشا نے اس کو بھی کہاں چھوڑا پردے سے نکل آیا خود بن کے تماشائی / محمد کے ہم ہیں، ہمارے محمد!
آفرینِ آفرینش، زیبِ اورنگِ شہنشاہی نورِ چشمِ صاحب خانہ، چراغِ خانۂ ہمہ / محمد کے ہم ہیں، ہمارے محمد! / ہمیں جان و دل سے ہیں پیارے محمد!
منقبت: خلیفۂ اول سیدنا ابوبکر صدیق اکبر رضی اللہ عنہ
محمد مصطفیٰ کا جانشیں صدیقِ اکبر ہے بجز پیغمبروں کے سب سے اعلیٰ ہے، برتر ہے
امام المسلمین و پیشوائے مرد و زن صدیق امامت اور کی باطل، جہاں صدیقِ اکبر ہے
خدا نے شان میں صدیق کی اتقیٰ فرمایا وہ اتقیٰ ہے، وہ عبد اللہ اکرم اور بہتر ہے
اگر ایمانِ صدیق اور ایمانِ جہاں تولیں تو غالب سب پہ ہو، تصدیق کا ایماں کبیر ہے
اٹھایا صدق نے بارِ نبوت اپنی گردن پر وہی ہے ثانی اثنین اور ہمراہِ پیمبر ہے
نبی دامادِ والا شان ہیں صدیقِ اکبر کے وصالِ عشقِ صدیقی کا اس میں راز مضمر ہے
طریقہ قادری اور نقشبندی اور شطاری مداری کا بھی اعلیٰ رہنما ہے اور رہبر ہے
پسِ مدفن ملی ہے جائے آغوشِ پیمبر میں بنا اس خاک سے جس خاک سے جسمِ پیمبر ہے
علی مرتضیٰ کے قول پر حسرتؔ کا ہے ایمان محمد مصطفیٰ کا جانشین صدیقِ اکبر ہے!
پوربی منقبت: یا حیدرِ کرار رضی اللہ عنہ
موری نیا منجدھار، کرو بیڑا تم ہی پار یا حیدرِ کرار!
بھولی بھالی میں ہوں ناری، پیت گلے کا ہار موری نیا منجدھار!
مَیا بابل کوئی نہیں ہے، بیری ہے سنسار موری نیا منجدھار!
تورے دوارے آن پڑی ہوں چھوڑ کے سب گھر بار موری نیا منجدھار!
کالی کملی والے کے بھیّا، آداب سرکار! موری نیا منجدھار!
حسن حسین کا صدقہ دلا دو، آئی ہوں دربار موری نیا منجدھار!
موری نیا ڈوبت جا رہی، دوڑو کھیون ہار! تیرا چیلا کہلاوت ہے حسرتؔ پھر ناچار!
منقبت: سلطان الاولیاء غوثِ اعظم شیخ عبد القادر جیلانی رحمۃ اللہ علیہ
سرورِ دلِ مصطفےٰ غوثِ اعظم تجلیِ نورِ خدا غوثِ اعظم
ہیں زیرِ قدم تیرے سر اولیاء کے ہے اعلیٰ تیرا مرتبہ غوثِ اعظم
تم اچھے ہو اللہ کے ہو پیا کے میں اچھا نہیں ہوں تو کیا غوثِ اعظم
بھلوں کی تو ہوتی ہے ساری خدائی بُروں کو بھلا کیجیے یا غوثِ اعظم
کہاں چھوڑتے ہیں گنہگار دامن کہ وابستہ تیرے ہیں یا غوثِ اعظم
کبھی روضۂ پاک پر یاد کیجیے یہ دل اب نہیں مانتا غوثِ اعظم
اَغِثْنِیْ اَغِثْنِیْ، اَغِثْنِیْ اَغِثْنِیْ مدد اپنے خادم کی یا غوثِ اعظم
خبر بھی ہے کچھ حسرتِ بے نوا کی کہ کیا حال اس کا ہے یا غوثِ اعظم!
منقبت: سلطان الہند حضرت خواجہ معین الدین چشتی اجمیری رحمۃ اللہ علیہ
سلطان الہند غریب نواز خواجہ معین الدین اجمیری، تیرے چرن میں لاج ہے میری / سلطان الہند غریب نواز!
تم خواجہ ہو تم راجہ ہو، تم نے دولت کتنی بکھیری سلطان الہند غریب نواز!
آلِ نبی اولادِ علی ہو، ایک نظر یا مکھ پہ تیری سلطان الہند غریب نواز!
حق کے پیارے راج دلارے، تیری محبت سب کو گھیری سلطان الہند غریب نواز!
چشت کے خواجہ، ہند کے راجہ، حسرتؔ بھی ہے چیری تیری سلطان الہند غریب نواز!
منقبت: مخدوم علاء الدین علی احمد صابر کلیری رحمۃ اللہ علیہ
اے جلوۂ نورِ خدا مخدوم صابر کلیری محبوبِ شاہِ انبیاء مخدوم صابر کلیری
اجداد تمہارے ہیں حسن، نورِ نگاہِ حسنین اور حضرتِ غوث الوریٰ مخدوم صابر کلیری
فاروق نانا ہیں تیرے، شیعان میں آکھاتے دادا علی مرتضیٰ مخدوم صابر کلیری حضرت فرید الدین جو ماموں بھی ہیں اور شیخ بھی، بر جانِ پاکت مرحبا مخدوم صابر کلیری
اور خواجہ قطب الدین بھی، خواجہ معین الدین بھی شیخِ طریقت رہنما مخدوم صابر کلیری
تم تو علاء الدین ہو، ارکانِ دینِ متین ہو ہمسر نہیں ہے دوسرا مخدوم صابر کلیری
توحید تیرا کام ہے، عالم میں تیرا نام ہے تو ہے فنا تو ہے بقا مخدوم صابر کلیری
تم عشق میں جانباز ہو، تم شاہ ہو شہباز ہو تم ہو امامِ اصفیاء مخدوم صابر کلیری
توحید کا دے ایک جام، ہو عاشقوں میں تشنہ کام حسرتؔ ہے خادم آپ کا مخدوم صابر کلیری!
استغاثہ دربارِ خواجہ بے کس نواز اجمیری رحمۃ اللہ علیہ
اے نائبِ پیمبر بے کس نواز خواجہ میں ہوں مریدِ کمتر بے کس نواز خواجہ
جب تم ہو میرے رہبر بے کس نواز خواجہ پھر مجھ کو کچھ نہیں ڈر بے کس نواز خواجہ
جب تک نہ نکلے مقصد چلاؤں گا برابر اے دستگیرِ در مہر بے کس نواز خواجہ
آنکھوں سے دیکھو آ کر حالت ہے بد سے بدتر کیا ہو رہا ہے ہم پر بے کس نواز خواجہ
فریاد میری سن لو، اٹھو میری مدد کو بے فکر تم ہو کیونکر بے کس نواز خواجہ!
صاحبِ کرامت دکھاؤ اپنی قوت بدلو میرا مقدر بے کس نواز خواجہ!
اے دستگیرِ عالم ہو دور رنج اور غم غم کی گھٹا ہے دل پہ بے کس نواز خواجہ!
حسرتؔ ہے تیرا خادم، اپنے عمل پہ نادم فضل و کرم ہو اس پر بے کس نواز خواجہ!
عرفانی غزل: میرا خواجہ ہے حق کے پیاروں میں
میرا خواجہ ہے حق کے پیاروں میں ساری دنیا ہے اس کے اشاروں میں
میرا خواجہ ہے سارے ولیوں میں چاند جیسے چمکتے تاروں میں
ساری دنیا میں ڈھونڈو نہیں ملتی ایسی صورت ہے لاکھوں ہزاروں میں
میں تو ہوش و حواس کھو بیٹھا کس کے جلوے ہیں ان نظاروں میں
ایک شعلہ جگر سے اٹھا ہے جل گیا اس کے میں شراروں میں
میرا خواجہ ہے زندہ جاوید ڈھونڈتے کس کو ہو مزاروں میں
کون دل کھینچتا ہے اے حسرتؔ سحر آنکھوں کے ہے اشاروں میں!
منقبت: نورِ ہدایت خواجہ میاں رحمۃ اللہ علیہ
نورِ ہدایت خواجہ میاں ہیں، شمسِ حقیقت خواجہ میاں ہیں صدرِ شریعت خواجہ میاں ہیں، بدرِ طریقت خواجہ میاں ہیں
ہم پایہ ان کا پایا نہ ہم نے، یک شانِ عزت خواجہ میاں ہیں دامن میں ان کے چھپتے ہیں عاصی، ظلِ حمایت خواجہ میاں ہیں
ملتا ہے ان کو جو مانگتے ہیں، عینِ عنایت خواجہ میاں ہیں ملتی ہے ان سے توحیدِ حق کی، دُرِّ یک وحدت خواجہ میاں ہیں
دل کے مقاصد ملتے ہیں ان سے اللہ کی نعمت خواجہ میاں ہیں!
پایا خدا کو کھو کر خودی کو، معراجِ عظمت خواجہ میاں ہیں عرشِ بریں پر جاتے ہیں اُڑ کر، شہبازِ رفعت خواجہ میاں ہیں
ایک تعلق ہے خواجہ میاں کا حسرتؔ کی راحت خواجہ میاں ہیں!
پوربی عارفانہ رنگ: اجی مورے لال کچھ ایسا رنگنا
اجی مورے لال کچھ ایسا رنگنا، جو دیکھے منہ تکتا رہ جائے میرا چولا رنگ دو، بسنتی رنگ تمہارا اپنا، اجی مورے لال!
صورت سیرت بنے تمہاری، نقشہ ایسا جمنا، اجی مورے لال! ہاتھ پکڑ کر بھول نہ جانا، لاج ہماری رکھنا، اجی مورے لال!
آؤ آؤ جلدی آؤ، کب تک رستہ تکنا، اجی مورے لال! چاہنے والے کو لازم ہے چاہت میں مٹنا، اجی مورے لال!
حسرتؔ کہلاتی ہے تمری اور یہ رونا دھونا، اجی مورے لال!
عارفانہ کلام: میں نہ چھوڑوں گی تمہارا دامن
میں نہ چھوڑوں گی تمہارا دامن، تم پر واروں گی اپنا تن من مجھ کو کیا کام سارے جگت سے، تم رہو اور تمہارا درشن
سب تماشے ہیں پیارے کے پیارے، پیارے کیا دولہا کدھر کی دلہن جس کو دیکھو تصدق ہے تم پر، مل گیا تم کو کیا جوبن
کچھ سنوں کچھ کہوں غم کی باتیں، پاس مجنوں کے ہو میرا مدفن کون حسرتؔ مجھے روکتا ہے، میں گھونگٹ اٹھا کر چلوں بن چلمن!
عارفانہ غزل: دل اگر بے قرار تم سے ہے
دل اگر بے قرار تم سے ہے آنکھ بھی اشکبار تم سے ہے
کیا کروں لے کے ساری دنیا کو میرے دل کا قرار تم سے ہے
حسنِ محبوب قائم و دائم عشق بھی پائیدار تم سے ہے
عشق بے اختیار ہوتا ہے عشق بے اختیار تم سے ہے
یوں تو دنیا میں ہیں ہزاروں حسین کیا کروں مجھ کو پیار تم سے ہے
ہارنا جیتنا ہے پیارے سے اس لیے میری ہار تم سے ہے
بے وسیلوں کا تم وسیلہ ہو فضلِ پروردگار تم سے ہے
یا حبیبی محمدِ عربی! میرا باغ و بہار تم سے ہے
یا محمد بخش دیجیے، امیدوارِ کرم حسرتِؔ خاکسار تم سے ہے!
رندانہ و صوفیانہ غزل: خم کے خم مجھ کو پلا آباد مے خانہ ترا
خم کے خم مجھ کو پلا، آباد مے خانہ ترا میں بلا نوشِ ازل اور ایک پیمانہ ترا
مست خود ہیں اور دوسروں کو بھی پلائیں حشر تک قائم رہے ساقی یہ میخانہ ترا
ایک لقمہ میرے بھی کشکول میں تو ڈال دے تُو سلامت، گھر سلامت، صاحبِ خانہ ترا
سب کو بھولا خود کو بھولا پردہ وہ بھی خوب دانشمند نکلا ہے یہ دیوانہ ترا
بے خبر کوئی پڑا ہے اور مسجد میں کوئی کیا عجائب خانہ ہے اے یار کاشانہ ترا!
سب ہیں لاحاصل در و دیوار اور نقش و نگار گر نہیں ہے تیرے گھر میں صاحبِ خانہ ترا
حسرتا! پگڑی کدھر ہے اور جوتی ہے کہاں اک تماشا دیدنی ہے رنگِ مستانہ ترا!